Fischterwald-Lied (Ruedi Bieri)


Höch übrem Tau a prächtig schöne Bärge zue, höch übrem Tau da lyt mis Dörfli a dr Flueh. Äs isch dr Fischterwaud, jä nei das isch kei Scherz, bi üs im Fischterwaud schynt d’Sunne i dis Härz.

Höch übrem Tau do lyt es Dörfli ganz elei, wär us däm Dörfli zieht chunnt immer wieder hei. Äs isch dr Fischterwaud, jä nei das isch kei Scherz, bi üs im Fischterwaud schynt d’Sunne i dis Härz.

Höch übrem Tau do lyt es Dörfli jede kennt’s, do wohnt dr Hansli u dr Joggi u dr Fränz. Äs isch dr Fischterwaud, jä nei das isch kei Scherz, bi üs im Fischterwaud schynt d’Sunne i dis Härz.



Früehlig
(Robert Fellmann)

Juhei, joho dr Früehlig isch cho! Himmu u Ärde strahle im Wärde. S’wird wieder schön, hornet dr Föhn. S’schmüuzt i de Schratte, grüen wärde d’Matte, es chymet ringsume e farbigi Pracht. Dr Früehlig, dr Früehlig het’s gmacht.

Juhie, joho dr Früehlig isch cho! D’Juget cha wandre, s’rüeft eis am andre. Use is Blüeh, ufe i d’Flüeh. Griesgrämig Chüuter, stimmts wieder gwüuter, vüu Meitschi hei s’Truure zum Härzli us glacht. Dr Früehlig, dr Früehlig het’s gmacht.

Juhei, joho dr Früehlig isch cho! Grossätti, Grossmüetti, säget Gott bhüeti. Heit wieder Muet, schnäuer louft s’Bluet. D’Fröid wo verschwunde, heis wieder gfunde u s’Hoffe stygt sunnig us Näbu u Nacht. Dr Früehlig, dr Früehlig het’s gmacht.



Früehligsgloube
(Adolf Stähli)

Mir isch scho lang es Lied im Sinn u macht mir Längizyti. Es schwingt au Tag im Härze inn u möchte so gärn i d’Wyti. No bruucht’s e warme Meietag, bis i de ume singe mag. No bruucht’s e warme Meietag, bis i de ume singe mag.

Dr Birliboum macht’s ou eso, är planget duss im Garte. Het ringsetum vüu Chnoschpe a u muess haut glich no warte. No bruucht’s e warme Meietag, bis är de ume blüeje mag. No bruucht’s e warme Meietag, bis är de ume blüeje mag.

Im Läbe geit es haut eso, s’bruucht aus si Zyt zum Wärde. Het nid ou jede Sunnestrahu e wyte Wäg uf d’Ärde? I gloube dra, es chunnt dr Tag, wo ni de ume singe mag. I gloube dra, es chunnt dr Tag, wo ni de ume singe mag.



Fyrabig-Juitz
(Fredy Wallimann)

Letzte Änderung: 11. April, 2018