O Heimatland (Robert Fellmann)

Wo üsi Schwyzerbärg fasch z’Himmu göh, do lyt betreut vo Flüehne, schier gar aus s’Herrgott’s Meischterstück mis Heimattau im Grüne. Bim luege wytet jedi Bruscht, me luegt u luegt u singt vor Luscht: Oh Heimatland wie bisch du schön, oh Heimatland wie bisch du schön, so schön so schön, so schön, so herrlech schön.

E jede Aupehang schickt Wunder us, es wächsle Waud u Matte, u märliglich steit s’Heimatdorf am Bach im Obschtboumschatte. Lueg ig’s im Bluescht, lueg ig’s im Schnee, mir jublet s’Härz bi jedem Gseh. Oh Heimatland wie bisch du schön, oh Heimatland wie bisch du schön, so schön so schön, so schön, so herrlech schön.

Und s’Vouk i üsem Land weis Föuseglich i böse Winde z’wehre, kennt eine nid vo Heimatstouz so cha när do go lehre. Do wird Urschwyzerbruch no Art, vo Aut u Jung no treu bewahrt. Drum Heimatland bisch du so schön, drum Heimatland bisch du so schön, so schön, so schön, so schön, so herrlech schön.



Oberländer-Kuhreihen
(Adolf Stähli)

Hie uf de Bärge im Oberland hei üser Chüejer vüu Fröide. Triebe die Chueli am Morge früeh vo de saftige grüene Weide, jo triebe die Chueli am Morge früeh vo de saftige grüene Weide. Chumm sä Lobeli chumm sä sä, wott dir öppis z’Läcke gäh.

Wenn ou die Senne im Oberland wärche vom Morge bis z’Obe. Tönt doch e fröhleche Jutz i s’Tau vo de luschtige Chüejerchnabe. So tönt doch e fröhleche  Jutz i s’Tau vo de luschtige Chüejerchnabe. Wär de Chüeh zum Mäuche singt, gäng dr Chübu voue bringt.

Heit ihr scho gseh wie bi üs am Bärg mäuchegi Chrüttleni wachse. Das git em Chäs de die gueti Chuscht u Chüeh so feiss wie Dachse, jo das git em Chäs die gueti Chuscht u Chüeh so feiss wie Dachse. Luschtig sich die Chüejerzyt wes vüu Chäs u Anke git.

Hie choufe Buure vom Ungerland Chuehli u Stiere u Chäuber, meine si heige die schönschti War doch die brävschti die hei mir säuber, si meine si heige die schönschti War doch die brävschti die hei mir säuber. Drum gsehsch hie im Oberland gäng dr prächtigscht Chüejerstand.



Obestimmig
 (Josef Dubach)

E fine Schimmer lyt überau, das het d’Obesunne gmacht. S’Dunklet scho i jedem Tau, langsam wird’s jetz wieder Nacht. Chumm doch mit, mir wei’s erläbe, s’Oberot verzoubret d’Wäut. D’Matte dunkle u drnäbe striicht dr Wind über s’Ährifäud.

Dr Himmu lüüchtet so füürig rot, s’chönnts kei Moler schöner tue. Jedes Blüemli wo am Wäg steit, macht scho sini Blüete zue. Angri tüe jetz erscht verwache, Dämmrig lockt se usem Waud. D’Üle tuet e Usflug mache, Fuchs u Reh gsehsch du ou scho baud.

S’wird ruhig u friedlech a jedem Ort, nur no s’Glüt tönt zu üs ue. D’Grille dört am gäche Bord, mache Musig derzue. Über Fäud u Waud zieht liisli d’Nacht, z’friede gö mir zrugg is Huus. Jo dä Obe het mir Fröid gmacht drum gseht mängs e chli besser us


Letzte Änderung: 11. April, 2018